雜談 : 帕德之門3

 雜談 : 帕德之門3

呢篇係吐糟文吧. 我估. 應該. 或者. 可能.

首先是吐糟自己. 好不辛苦搵到人帶我連線玩, 自己卻忙個不停, 好像阻住朋友的時間一般. 該死.

難得我會買個電腦遊戲玩, 真係幾難得, 畢竟我對電腦遊戲的操作還停留在三國X的年代. 雖然我還是每次出 “CIVILIZATION”系列都會買GAME. 但打機似乎已經很久很久以前的日常活動了. 正如買了MONSTER HUNTER 還是沒有抽時間玩的樣子.

為什麼要說成 帕德之禍 呢? 

其實作為推廣D&D, 帕德之門3 (下稱BG3) 是有功無過的. 畢竟也算是多了一群人知道D&D吧. 雖然身邊玩BG3的都已經係D&D玩家們. 

就以玩家角度而言, 其實BG3 跟D&D5E 的規則都相當同步了. 

基本上大方向, 規則是相同的. 除了些許細節. 例如三個人圍埋一齊掉醫療藥水補血吧. 最初我聽到同伴(一齊打機那幾位)講, 可以掉藥水補血. 就是把藥水掉到傷者處身的位置. 哈哈!
之後原來可以幾個人圍埋一齊補. 

心裡有點不平衡地說: 還真方便嘛. 

另一個我覺得幾有趣的位係, 附贈動作飲藥水, 跳躍, 推人. 感覺其實幾開心. 又覺得好方便. 由其是我設定的角色 “附贈動作” 唔知要做咩的時候. 可以事但搵D野做吓. 擦擦存在感. 

遊戲可以用錢解決重設角色的問題, 也是幾貼心地想吐糟的. 在遊戲世界, 要方便玩家隨時可以改設定, 是很貼心的服務, 只是玩左咁多年D&D, 總是覺得角色係唔應該可以話改就改, 這種老頑固的想法, 我不否認是自己的問題, 但可以 “任改” 總是感覺怪怪的. 當然應該是因為我自己始終覺得D&D那種 角色設定是很死的感覺吧. 選好了就無得返轉頭, 無得改. 

遊戲中, 改一改成個角色設定, 都只係100G. 抵到爛呀.

對証一次玩電腦RPG, 好可能已經係十多年前的D&D ONLINE了. 那時好像是準備由3.5轉成4版的年代. 當年是為左睇吓個 三環法術 FIREBALL 在電腦畫面有多華麗, 努力了一陣了. 把法師升到LV5. 之後發現...... 

一環法術的BURNING HAND 畫面比 三環法術的 FIREBALL 精美太多了......

於是棄GAME. 

認識我或者有睇開呢個BLOG的朋友應該都會知道我很喜歡 “法師” (WIZARD) 這個職業的. 印象當時是 “努力工作期”; 玩遊戲的時間並不多, 難得我用左唔少時間去打機. 一來我的打機能力~立體第一人身遊戲 是非常非常地差的. 二來個遊戲好像也是要組隊玩的. 在獨自一人玩的情況下升到LV5我覺得已經好神奇了. 印象是有朋友帶左幾次慨. 

當看到個FIREBALL 炸出去個畫面, 我直情想打爆個MON. 

“就咁?” 

“FIREBALL?”

這一次玩BG3, 有朋友帶住玩, 真係舒服好多, 本來是開我那些平均屬性的多職業角色; 但是嘛. 拖後腿情況相當嚴重. 終於跟著大家玩到LV7了. 用100G 換了個 2聖騎5法師. 

感覺自己好像低能的. 終於放了個 LIGHTNING BOLT. 

“嘩...... 好感動呀!” 

“嘩...... 個畫面......”

不知道是不是自己已經沒什麼要求, 睇落個畫面, 感覺是 “唔錯丫!” 

我諗我知足啦. 雖然未試放FIREBALL. 但是嘛. 滿足啦. 

再多的, 應該算是BONUS吧. (自我感覺良好左就算)

其實整個遊戲的畫面, 我覺得係唔錯慨, 可能我比較少玩近年的電腦遊戲, 對這些沒太高要求吧. 遊戲系統跟5版有少少出入, 但接近95%還原度吧? (我覺得) 對我來說算是很好的遊戲了. 

當然有朋友一起玩是比較重要的. 所以嘛...... 單人版的進度相當低. 

另一個我想試試在遊戲中的系統是聖騎士, 由於5版的聖騎士跟 “從前” 的聖騎士有很大分別. 但聽朋友說起, 如果選用 奉獻之誓 (Oath of Devotion) 的聖騎士, 還是會做壞事 破誓 (FALLEN)的. 不過我還沒時間慢慢試出來. 聽說是FALLEN左就無得再改角色的. (我懶上網搵資料.哼.)

好像應該說說個遊戲的故事吧. 

好像是奪心魔在弄一糟大事件, 又出左問題. 當中又要關吓惡魔的事. 但玩左一半唔夠, 覺得角色好像都在 “善” “惡” 之間遊走. 有種 “好人難做” 的感覺. 看來我還是應該找朋友快快玩完一次去比較好. 也不知自己會不會劇透, 所以嘛就不多說內容了. 

本來說要寫帕德之門的文, 是想說帕德之禍的. 

因為嘛. 大家跟我開玩笑說, 要在現實遊戲 (面團) 中問主持人, 可唔可以用BONUS ACTION 飲藥水. 我笑著說.... 咪教壞新朋友. 之後好像真係有新朋友問過類似的野.

 

但遊戲玩了一陣子之後, 其實感覺上都幾USER FRIENDLY的. 最少我這種操作白痴也可以順利玩到遊戲, 應該它是一個好遊戲吧. 

由於覺得遊戲其實真係唔錯, 所以我還是不要亂打標題了.