座談會 Aug 2023
昨天跟 非牟利機構 “蒲書館” 辦了一次介紹TRPG的座談, 參加的人數並不多. 整體來說應該算是成功吧. 畢竟也沒有定什麼目標只是單純, 有機構聯絡上我, 希望做個介紹, 就做了. 就真的也沒多想太多, 正如一向做法, 有推廣就做啦, 沒有也無所謂.
原定是1500~1800 內容是包括講座與試玩. 答應之後, 還是有點點緊張, 突然發現原來自己在無事忙的情況之下, 時間都鋪得幾密. 由其是主辦方的宣傳, 都幾大隻字寫住桌遊. 其實想說, 桌遊是很廣闊的一個描述, 所有在桌上玩的遊戲, 是否都應該包括在桌遊之中呢? 唔好意思, 我當係先啦. 於是就膽粗粗, 抱住 “到時先算啦” 的心態就這樣把事情放下大半個月了......
不否認都是BG3 的禍...... (先不說這個, 下篇.) 結果時間比預定的早完成了. 也許是我講我太快吧.
要說介紹TRPG, 相信認識我的人都會覺得沒有問題, 畢竟都叫介紹左咁多年. 但是嘛. 畢竟對像來源是一間二手書店的活動, 多少應該是對書本有更多認識的人. 於是在臨急抱佛腳的時候, 仲走左去揾有沒有什麼書類相關的TRPG. 其實要說跟書本, 小說有關, 多數的TRPG 應該都有對應的書藉, 只係我呢D 唔多讀書的人才需要用時間去找找看吧.
其實叫我對住好多人講野, 我還是有點 “怕” 的, 不是細膽或者怕醜, 而係多少有種人群恐慌的感覺. 還記得第一次上台講野, 其實只係交功課要對住全班同學老師報告PROJECT, 還真的是腿有點震. 這之後在成為 DM/主持人之後, 明顯是沒有咁 “驚”了. 但是當需要對住一大群人講話, 還是多少有點 “驚慌” 的感覺. 到第一次攪TRPG活動, 唔知點解我會做司儀, 其實只係上台講幾句野, 頒獎的小活動. 才勉強知道如何令自己 “無咁驚”.
講番這次活動, 在不停說 “好驚呀!” 的情況之下去到目的地. 突然聽說人數比預定的少了.
心裡突然有種怪怪的感覺. 本來就不多人啦, 還要再少一點. 似乎沒什麼宣傳效果吧. 那個不太自信的自己又走出來說 “都話你講野無人有興趣啦.”
但另一方面, 人少左, 就不用太擔心對係太多人講野啦. 而且要試玩, 也簡單多了. 我只帶了兩個幫手來當主持人啊. 而且預算中場地也不大, 應該做不到太多事.
總之, 開始前總是會 “胡思亂想” 一番.
結果嘛. 整件事上面, 我還是準備了POWER POINT, 及稿件. 在預定要講一小時左右的內容來說, 應該算是順利吧. 大家可以看看下面的標題:
1. 什麼是TRPG?
2. 介紹同好會.
3. TRPG 的構成
4. 如何進行遊戲?
這就是大慨的篇幅了. 睇完仲覺得自己寫左2千幾字稿好威威.
點知, 要攪亂的事還是亂.
稿. 什麼來的? 我發現我做唔到一路做演講, 一路要望下個電話或者電腦的交字. 結果係寫完的稿完全唔跟.
順序. 明眼人應該會發現, 點解先講什麼是TRPG 再介紹自己組織?
勁呀. 我以為唔講左咩野係TRPG, 好似唔知點講俾人知我地組織係做咩野......
結果我唔知自己的想法有冇問題. 不過嘛. 事後我都覺得有點點怪.
Q&A. 我有做一版PPT係寫住Q&A架. 但...... 我好似唔記得俾人Q我.
結果如何?
我又會答都幾順利丫. 聽的人都會發問, 也似乎肯俾反應我.
不過算啦. 總括來說, 比之前的DM座談會好多了. 之前的DM座談會完全感覺係有群認識的人到來聚會的感覺; 今次活動真係一班唔識的人.
下面是小小活動花絮.
希望還有其他組織會搵我地攪吓活動啦
.jpeg)
.jpeg)
